Monday, November 14, 2016

குழந்தைகள் தினம்

உனக்குள் உறங்கும்
குழந்தையை
துயில் எழுப்பு,
உலகம் எத்தனை
அழகு என்பது
அப்போது புரியும்  ❤

Sunday, November 6, 2016

புதிர் ஓவியம்


அவள் கவிதை
கண்களை 
என் பேணா 
கிறுக்கியது ஏராளம்...
அன்பை பற்றி அவளிடம்
பேசியதில்லை..
சண்டையிட்டது அதிகம் ..
மௌனம் காத்தது
மிக அதிகம்...
பார்வையில் புரிந்த
நேசம் இனம் புரியாதது..
வெறுமை பேசியது
பலமுறை ..
இதில் எங்கும்
இல்லை காதல் !
ஆனால் எதிலும்
இல்லாமலும் இல்லை ! 

Monday, June 13, 2016

பதிவு என் 100



ஒவ்வொரு கவிதைக்கு
பின்னும் கனவுகளும்
ஏமாற்றங்களும் ஒளிந்திருக்கும் ...

இனிமையான தருணங்களும்
இயலாமையும் கொடிபிடிக்கும்

காதல் பாசம் பற்று
பிரிவு பக்தி நேசம்
என பல ரசங்கள்

எல்லாம் சொல்லும் கவிதைகள்
ஊமை மனதின்
மௌன குரலாய்
உற்ற நண்பனாய்
தலை சாய தோள்கொடுக்கும் !

இந்த 100வது பதிவு
என் முதல் தமிழாசிரியர்க்கும்
என் முதல் தோழிக்கும்
சமர்ப்பணம் !

Thursday, June 9, 2016

காதலின் சுகம்



அவள் பெயரை 
ஒரு மரத்தில் 
எழுதி வைப்பேன் ..
அது நித்தமும் 
பூக்கும் 
ஆயிரம்  
கவிதைப்பூக்கள்!!
அவள் அன்பை 
காற்றில் சொல்லுவேன் 
அனுதினமும் 
பரப்பும் 
அன்பென்றால் என்ன 
என்னும் 
நறுமணத்தை!!
அவள் புன்னகையில் 
என் சுவாசம் 
பிரியுமானால் 
என் கல்லறை சொல்லும் 
காதலின் சுகத்தை....