Wednesday, July 28, 2010

வழிகாட்டி

மனிதர்கள் அற்ற 
வளைவு நெளிவு சாலையில் 
நம் முதல் பயணம் 
குழப்பவே செய்யும் 
முச்சந்திகளும் நான்குசாலை 
முத்தசந்திப்புகளும் 
கேள்விகுறியில் நிரம்பி வழியும் 
புத்தி சக்தியற்று 
நிற்கும்போது சத்தமில்லாமல் 
எங்கிருந்தோ வரும் 
ஒரு மூதாட்டியோ 
வீடு திரும்பும் பள்ளி சிறுவனோ 
மிதிவண்டி வழிவரும் 
யாரோ ஒருவரோ 
வழி சொல்லி செல்வர் 
நமக்காகவே வந்த
வழிகாட்டிபோல
இந்த முகங்கள் சில 
நினைவில் தொலைய மறுக்கும் 
நான் வழிகாட்டிய 
சிலரேனும் என்றாவது 
என் முகம் நினைப்பரோ ???

No comments:

Post a Comment