Sunday, February 28, 2010

என் பெயர் அஞ்சலம்மா

பெயர் : அஞ்சலம்மா
வயது : 60
அனுபவம் : நிறைய ..

சிறு குறிப்பு :
கட்டினவன் காலத்தோடு
என் வசந்த காலத்திற்கு
முற்றுபுள்ளி .
இப்போது வெயில் காலம்
ஏங்கி என் கண்கள்
காத்திருக்கிறது.

பெற்ற நான்கு மக்களும்
ஆளுக்கொரு திசையில்
நடுவில் நான் மட்டும்
அரசாங்கபாலத்தின் நிழலில்
இளநீர் விற்கிறேன் .
பெற்ற மகன்களை விட
யார் யாரோ நீறுற்றிய
தென்னை மரங்கள்
எனக்கு கஞ்சி ஊற்றுகிறது.
என் அடுப்பு உலையில்
சோறு போடுகிறது.
விரக்தியின் வலி
நான் சீவி வீசும்
இளநீருக்கே தெரியும் ......

No comments:

Post a Comment