Thursday, July 16, 2009

துளிகள்

தூரத்தில் பறந்து வந்த மேகம்
பெய்து கொண்டிருந்த மழையோடு நனைந்து,
அழகாக கலைந்து பெய்தது.
சாரலின் மோதல் தவிர்க்க
சற்றே கதவு திறந்து உள்ளே நின்றேன்.
அழுத்தமான காற்று....!
என்னையும் மீறி வீட்டின் உள்ளே.
கதவு ஜன்னல் படபடக்க
அங்கும் காற்றின் பிரவேசம்.

மழை நின்று முடிந்ததும்
மனநிறைவாய் வீட்டுக்கதவு அடைத்தேன்.
ஜன்னலில் வழிந்த நீர்த்துளிகள்,
மேஜையின் மேல்
அவளை பற்றி எழுதிய
கவிதைகளில் விழுந்திருந்தது.

ஆம்!
என் காதல் கவிதைகள்
நீலக்கண்ணீரோடு
நிறம் மாறி அழுது கொண்டிருந்தது...........

No comments:

Post a Comment