Sunday, July 5, 2009

புதிர்

சுதந்திரமாய் நீ,
செயற்கை செடி கொடிகளுடன்
வண்ண உருண்டை கற்களுடனும்.
அங்கும் இங்கும்
உன் நன்பர்கள் கூட்டத்துடன்
நீ உல்லாசமாய் நீந்தியபடி.
கால தாமதம் இன்றி
உன் பசியறிந்து உணவுடன் நான்.
மின் விளக்கு ஒளியில்
மினுமினுப்பாய் நீ.
உன் கோட்டை மதில் சுவராய்
என் வீட்டுக்கண்ணாடி தொட்டி.
சில சமயம்
சாய்வு நாற்காலியில்
அமர்ந்து வேடிக்கை பார்ப்பேன்.
புதிராய் இருக்கும்!!
தங்க மீன் குட்டியே,
வேடிக்கை பார்ப்பது
நான் உன்னையா?
அல்லது, நீ என்னையா??!!

No comments:

Post a Comment